KOVALIMA, 02 Fevereiru 2026 (TATOLI) – Sekretáriu Munisipál Administrasaun Finansa ( SMAF) Alberto Moniz de Araújo, dehan, governu presiza fasilita formasaun tékniku lideransa ba Diretór Servisu Munisipál na’in-19.
“ Presiza fasilita formasaun tékniku lideransa ba diretór servisu munisipál sira tanba ema ida-idak ho nia kapasidade. Ha’u iha edukasaun ha’u nia kapasidade iha parte edukasaun no seluk tanba ne’e presiza fasilita formasaun tuir ida-idak nia skiil ne’ebé iha” , Sekretáriu Munisipál Administrasaun Finansa ( SMAF), Alberto Moniz de Araújo ,hato’o iha salaun AMC.
Nia esplika katak disponibiliza formasaun ne’e importante oinsá atu muda ema-nia pensamentu, tanba atu sai mentór presiza lidér ne’ebé mak nakonu ho memória instituisionál hodi lidera servisu munisipál ida-idak ne’ebé nia lidera .
“Ha’u hanesan Sekretáriu Administrasaun Finansa iha diresaun haat maka tutela ba ha’u, maibé ha’u domina de’it 25% , ho nune’e presiza fasilita formasaun espésifiku hodi aumenta skiil,” nia sujere. .
Estrutura Autoridade Munisípiu Kovalima kompostu husi, Prezidente Autoridade Munisípiu Kovalima, Sekretáriu Munisipál Administrasaun no Finansa, Sekretáriu Munisipál Planeamentu Investimentu no Dezenvolvimentu Integradu no Sekretáriu Munisipál Asuntu Sosiál no Organizasaun ho nia Diretór Munisipál 19, Administradór Postu Administrativu hitu, xefe suku 30 no xefe aldeia 148.
Jornalista: Celestina Teles
Editór: Florencio Miranda Ximenes
