Embaixadór Indonézia iha TL vizita Kovalima
KOVALIMA, 04 Fevereiru 2026 (TATOLI)-Embaixadór Indonézia mai Timor-Leste, Okto Dorinus Manik, kuarta ohin, hala’o vizita bá munisípiu Kovalima hodi observakona-ba atividade ultrapasa liña fronteira entre sidadaun rai rua ne’ebé maka hela iha fronteira entre Timor-Leste no RI.
Durante iha Kovalima hasoru malu ho Prezidente Autoridade Munisípiu Kovalima, Miguel Armada Cardoso hodi aprezenta pontu prinsipál ba diplomata Indonézi ne’e maka halo introdusaun kona-bá munisípiu Kovalima, dezenvolvimetu ekonómia iha fronteira, no seluk tan.
“Prezensa Embaxadór Indonézia mai Iha Timor-Leste ho nia ekipa ne’e importante oinsá atu partilla informasaun ba komunidade no empreza lokál sira hodi hala’o saida mak ita hakarak durante ne’e ami hein hela nune’e ita bele servisu hamutuk ho di’ak,” nia hato’o asuntu ne’e iha Salaun AMC.
Tuir kultura no lisan populasaun rai rua ne’e liuliu sira ne’ebé maka hela iha Malaka Belu, Provínsia Kupang Indonézia ho Mota-Masin no seluk tan iha Kovalima sei iha relasaun família ho kultura hanesan, maske hela iha nasaun diferente.
Ba futuru, Prezidente Autoridade ne’e, dehan persiza atu reforsa forum negósiu entre nasaun Timor-Leste no Repúblika Indonézia hodi dezenvolve ekonómia iha fronteira.
Iha tempu hanesan Embaixadór Indonézia Mai Timor-Leste (KBRI), Okto Dorinus Manik esplika durante ne’e nia parte simu informasaun kona-ba atividade ultrapasa iha liña fronteira iha Mota-Masin ho Malaka Indonézia.
“Iha oportunidade ne’e ita hakarak halo diskusaun direta ho inan-aman sira hodi hatene dezenvolvimentu iha tereñu liuhosi diskusaun bele buka solusaun hamutuk oportunidade saida maka ita kontinua atu hametin no problema saida mak ita enfrenta ita tuur hamutuk,” nia hateten.
Jornalista: Celestina Teles
Editór: Florencio Miranda Ximenes
