KOVALIMA, 06 Fevereiru 2026 (TATOLI)– Autoridade Munisípiu Kovalima liuhusi Servisu Munisipál Protesaun Sivíl no Dezastre Naturál, durante iha fulan-Janaieru no Fevereiru 2026 ne’e rejista ona família viítima dezastre naturál hamutuk 24.
“Ita rejista ona uma-kain 24 mak vítima ba dezastre naturál mai husi postu administrativu neen hanesan Fatululik, Fohorem, Tilomar, Maucatar, Suai no Zumalai”, Diretór Servisu Munisipál Protesaun Sivil Jestaun Dezastre Naturál, João Martins, dehan ba jornalista sira iha Bairru-Kosta-Suai, ohin.
Autoridade Kovalima rejista ona vítima ba dezastre naturál ho tipu anin-sobu uma ne’ebé hetan hotu ona apoia emerjénsia hanesan ia-han ho la’os ai-han husi Servisu Munisipál Protesaun Sivíl no Dezastre Naturál falta de’it ona fó materiál rekuperasaun.
Kona-bá atu apia materiál rekuperasaun depende haree tipu dezastre naturál liuliu haree kondisaun uma ho kategória aat kma’an, aat naton no aat totál depende husi ekipa verifikasaun mak sei haree tanba husu munisípiu submete de’it dadus.
“ Ha’u husu ba komunidade sira atu hado’ok aan husi fatin risku ba dezastre naturál mak hanesan bainhira konstrui uma labele besik mota, dadaun tempu anin makaas, nune’e tenke tesi ai besik uma, no bainhira anin boot ai-tohar ruma labele lori dezastre naturál ba ita nia vida rasik,“nia fó hanoin.
Jornalista: Celestina Teles
Editór: Florencio Miranda Ximenes
