KOVALIMA, 09 Fevereiru 2026 (TATOLI) – Ministériu Saúde (MS) planu hodi koloka pesoál saúde na’in-13 mai iha munisípiu Kovalima ne’ebé mak foin lalais ne’e pasa iha vaga hosi Ministériu Saúde (MS).
“Ita daudaun-ne’e totál postu saúde hamutuk 25, nune’e Ministériu Saúde (MS) atu koloka tan pesoál saúde na’in-13 mai iha Kovalima hodi apoia halo atendimentu ba pasiente sira,” Diretór Servisu Saúde Munisípiu Kovalima , Domingos Sequiera dehan ba TATOLI,Iha resintu AMC.
Pesoál saúde ne’ebé mak foin lalais pasa iha vaga husi Ministériu Saúde (MS) husi Munisípiu Kovalima na’in-13, kompostu husi Médiku na’in-haat sira seluk parteira no enfermeira tuir planu husi Servisu Saúde Munisipiu Kovalima sei koloka ba postu saúde sira no sentru saúde hodi halo atendementu ba komunidade.
Bazeia ba Mapamentu fasilidade saúde iha Munisípiu Kovalima iha nia Sentru Saúde Komunitáriu hamutuk hitu, Postu Saúde 25, Sisca 15, Mobile konsulta 22,Ospitál Referál ida no klinika privadu rua.
Totál Funsionáriu ne’ebé mak presta sira nia servisu iha Autoridade Servisu Saúde Munisípiu Kovalima hamutuk 350 husi númeru ne’e funsionáriu permanente 173 no funsionáriu kontratadu hamutuk na’in-177.
Servisu Saúde Munisípiu Kovalima hamutuk 350 husi númeru ne’e mós balun presta sira-nia servisu iha servisu Saúde Munisipál hamutuk 54,Sentru Saúde Komunitáriu Fatululik na’in-26,Fatumea 28,Fohorem 39,Maucatar 47,Suai 68,Tilomar 41 no Zumalai 47.
Jornalista: Celestina Teles
Editór: Florencio Miranda Ximenes
