DILI, 11 Fevereiru 2026 (TATOLI)—Governu liuhusi reuniaun Konsellu Ministru delibera hodi autoriza despeza ho valór millaun $121,9 ba transferénsia fundu husi Orsamentu Jerál Estadu ba EDTL, EP, iha ámbitu programa “802 Eletrisidade”, ho objetivu atu asegura servisu fornesementu eletrisidade públiku.
Tanba, antes ne’e mós setór eletrisidade nian sei falta tan asesibilidade hamutuk 806 ne’ebé kompostu husi aldeia iha Timor laran tomak, nune’e mak Governu iha ona ninia polítika atu implementa setór infraetrutura ne’ebé sai nesesidade ba públiku.
Aleinde ne’e, Konsellu Minstru mós delibera ba proposta autorizasaun despeza no abertura prosesu aprovizionamentu ba konstrusaun sistema abastesimentu bee-moos iha Baukau.
Projetu estruturante ne’e ho objetivu atu garante fornesementu bee ne’ebé regulár no seguru ne’ebé apropriadu ba konsumu umanu ba populasaun iha munisípiu Baukau.
Jornalista : Alexandra da Costa
Editór : Cancio Ximenes
