KOVALIMA, 13 Fevereiru 2026 (TATOLI) – Administradór Postu Administrativu Tilomar husi Munisípiu Kovalima, Venáncio Sarmento, preokupa ho atividade funsionáriu ne’ebé nia kontratu termina ona, maibé lori sasan Estadu hanesan laptop ho printer bá nia uma hodi uza ba nesesidade privadu.
“ Ami la satisfas ho fiskalizasaun tanba ha’u rasik hato’o problema kona-bá iha postu administrativu Tilomar hanesan funsionáriu na’in ida, nia kontratu termina ona, maibé lori ekipamentu IT husi Estadu hanesan Laptop ho printer ba nia uma to’o agora la fó fila,” Administradór Postu Administrativu Tilomar, Venáncio Sarmento hato’o iha salaun AMC-Suai, ohin
Hatan ba preokupasaun husi Administrasaun Postu Tilomar ne’e , Diretór Ajénsia Fiskalizasaun Anacleto Martins , klarifika Kona-bá pedidu husi lidér postu Tilomar husi Ajénsia fiskalizasaun relata ona duni ba iha Prezidente Autoridade Munisípiu (PAM) Kovalima.
Hafoin simu pedidu husi Administradór Tilomar husi Ajénsia fiskalizasaun mós bolu ona funsionáriu sesante no fó mós pareser maibé depende mós despaixu husi PAM
“Hanesan Preokupasaun husi Administradór Tilomar momentu ami ba no ita bolu hotu ona no fó tan pareser , maibé nia kontinuasaun depende mós despaixu husi PAM, nune’e ami bele kontinua akompañia prosesu referidu,” nia dehan.
Jornalista: Celestina Teles
Editór: Florencio Miranda Ximenes
