KOVALIMA, 17 Fevereiru 2026 (TATOLI)-Diresaun Transporte no Komunikasaun (DTK), Munisípiu Kovalima, tersa-ne’e, hahú fó ona teste eskrita ba komunidade sira ne’ebé mak hakarak hetan karta kondusaun.
“ohin loron ba dahuluk ita-nia komunidade sira tuir ona teste eskrita hafoin tuir tan teste prátika atu hetan karta kondusaun”, Diretór Transporte no Komunikasaun, Munisípiu Kovalima, Joaquim Gusmão informa ba TATOLI, iha Bairru-Kosta-Suai, ohin.
DTK fó ona teste eskrita ba loron dahuluk ba ema na’in-60.
Ema ne’ebé mak rejista atu hetan karta kondusaun iha kovalima ho kategória A1, A2, B1 no B2.
Tuir dadus ema ne’ebé mak rejista atu hetan karta kondusaun hamutuk 2.200, husi núnúme ne’e ema 60-resin mak tuir ona teste eskrita hodi hein fali atu tuir prátika.
Iha fatin hanesan, Deonizia de Carvalho sente kontente tanba tuir ona teste ekrita hafoin kontinua teste pratika ka tama roda nune’e atu bele hetan karta kondusaun.
“Se ita laiha karta kondusaun bainhira polísia tránzitu sira halo pasa revista ita sempre tauk tanba ita laiha karta kondusaun se ita iha ona karta kondusaun bainhira polisia tránzitu sira halo pasa revista ita la tauk ona no bainhira sira husu dokumentu ita hatudu de’it ona dokumentu motór no karta kondusaun,” nia dehan.
Jornalista: Celestina Teles
Editór:Florencio Miranda Ximenes.
