DILI, 20 Fevereiru 2026 (TATOLI)—Konsellu Ministru (KM) liuhusi desizaun koletiva aprova ona projetu Dekretu-Lei neʼebé aprezenta husi Primeiru-Ministru, Kay Rala Xanana Gusmão, neʼebé ho objetivu atu estabelese baze ba ordenamentu no jestaun espasu marítimu nasionál nian,
Nune’e ho kriasaun enkuadramentu jurídiku ida ba organizasaun integrada no sustentável territóriu marítimu Timor-Leste nian.
Aleinde diploma ne’e define espasu marítimu nasionál no konsagra prinsípiu sira hanesan abordajen ekosistema, jestaun integrada no artikulasaun entre tasi no rai, hodi garante kompatibilidade entre uzu no atividade oioin.
Tanba, prevee elaborasaun instrumentu ordenamentu nian, hanesan planu situasaun no planu alokasaun no mós regulamentu kona-ba uzu privadu espasu marítimu nian liuhusi konsesaun, lisensa ka autorizasaun sira.
Ho medida ida-ne’e, Governu reforsa baze legál ne’ebé nesesáriu atu promove ekonomia tasi nian, garante protesaun ba ambiente tasi no garante dezenvolvimentu ida-neʼebé ekilibradu no sustentável ba espasu marítimu nasionál.
Jornalista : Alexandra da Costa
Editór : Cancio Ximenes
