DILI, 20 Fevereiru 2026 (TATOLI)—Ministru Obra Públika, Samuel Marçal, konsidera imparsiál polítika ne’e mós fó influénsia maka’as ba dezenvolvimentu infraestrutura, katak prosesu barak mak ladun la’o tanba Governu prioridade liu ba rezolve problema imparsiál polítika.
“Tanba bainhira Governu ida asume responsabilidade mai ho vizaun ka programa lahanesan, to’o mandatu ramat,a Governu ida asume fali hala’o tuir ninia programa entaun ne’e mak fó influénsia ba infraetrutura,” Ministru Obra Públika ne’e informa liuhusi programa “Meet the Press” ne’ebé hala’o iha salaun MTK, Kaikoli, ohin.
Aleinde ne’e, nia dehan, prosesu dezenvolvimentu paradu tanba mós situasaun COVID-19, ne’ebé projetu hotu empreza sira abandona no inundasaun boot no rai halai hodi estraga hotu infraetrutura bázika.
“Nune’e iha mandatu Governu Konstitusionál da-sia (IX) sei foka prioridade ba infraestrutura hodinormaliza fali estrada, ponte, drainajen, moru protesaun, eletrisidade no bee-moos iha territóriu,” nia dehan.
Nia hatutan, liuliu estrada rurál tanba baze ekonómia ne’e konsentra hotu iha área rurál la’ós iha sidade, tanba produtu barak mak agrikultór sira kuda iha sira-nia toos mak lori fali ba faan iha merkadu.
Jornalista : Alexandra da Costa
Editór : Cancio Ximenes
