DILI, 25 Fevreiru 2026 (TATOLI) – Prezidente Tribunál Rekursu, Afonso Carmona, fó-sai katak, fskalizasaun abstrata ba revogasaun lei pensaun mensál vitalísia to’o oras nee seidauk iha desizaun, tanba juis titulár ba prosesu seidauk notifika parte sira.
“Kona-ba ida ne’e seidauk iha notifikasaun, entaun seidauk, tanba Juis titulár mak kaer, ha’u labele fó lai komentriu ba ida-ne’e,” Prezidente Tribunal Rekursu, Afonso Carmona ba jornalista sira iha Kaikoli, Kuarta ne’e.
Nia esplika, kuandu iha desizaun PTR mós iha koñesimentu, maibé agora seidauk, tanba ne’e tenke hein to’o iha juis ne’ebé titulár foti desizaun.
“Ha’u labele komentáriu, husu estudante sira atu mantein kalma, tanba prosesu la’o hela hodi hein nia rezultadu,” nia dehan.
Nia salienta, pedidu fiskalizaun abstrata ne’e ema na’in-30 mak sai petisionáriu ba lei ne’e hodi husu Tribunál halo fiskalizaun ba revogasaun lei pensaun mensál vitalisia.
“Agora hanesan ha’u dehan fiskalizasaun sei la’o hela tanba ne’e hotuhotu hein desizaun,” nia hateten.
Notísia relevante: Fiskalizasaun Lei Pensaun Vitalísia iha hela prosesu judisiál
Jornalista: Natalino Costa
Editór: Evaristo Soares Martins
