KOVALIMA, 02 Marsu 2026 (TATOLI)- Servisu Munisipál Obra Públiku (SMOP), identifika ona pontuasaun estrada liga ba postu administrativu ne’ebé mak aat, iha munisípiu Kovalima.
“Ita nia intervensaun hanesan Servisu Munisipál Obra Públiku (MOP) Munisípiu Kovalima, identifika ona estrada ne’ebé kotu no sedimentasaun taka estrada iha munisípiu Kovalima”, Diretór Servisu Munisipál Obra Públiku (SMOP), Sidónio Gusmão,relata ba TATOLI ,iha resintu AMC-Suai.
Ho nune’e, Dirijente SMOP, identifika ona pontusaun estrada ne’ebé aat hanesan estrada parte iha Aldeia Maubesi, Suku Beiseuk, Postu administrativu Tilomar, Estrada iha postu Administrativu Maucatar no iha postu Zumalai, iha parte Bee-mean.
SMOP identifika ona pontuasaun Estrada aat, maibé atu halo intervensaun tanba laiha ba ekipamentu pezadu foin mak prevee orsamentu iha 2027 atu sosa ekipamentu pezadu.
“Relasiona pontuasaun estrada aat atu halo intervensaun ita halo komunikasaun direta ba Nasionál atu halo normalizasaun subbrigada ne’ebé iha Kovalima la’ós atu responde de’it ba Munisipál Kovalima, maibé ba mós iha Munisípiu Ainaro, nune’e ita tarde atandementu hodi halo normalizasaun estrada”, nia esplika.
Ho kondisaun Estrada ne’ebé aat SMOP la’ós tuur nonok, maibé halo ona komunikasaun ho (IGE) bainhira mak mai munisípiu hein deit,tanba dadaun ekipamentu pezadu halo hela normalizasaun estrada iha Munisípiu Ainaro.
Jornalista:Celestina Teles
Editór:Florencio Miranda Ximenes
