DILI, 04 Marsu 2026 (TATOLI)—Governu liuhusi reuniaun Konsellu Ministru (KM), kuarta ne’e, aprova ona projetu Dekretu-Lei kona-ba alterasaun daruak ba Orgánika Governu Konstitusionál da-sia (IX) nian, ne’ebé aprezenta husi Ministru Negósiu Estranjeiru no Kooperasaun.
Alterasaun ida-ne’e hakarak inklui kargu Vise-Ministra Negósiu Estranjeiru no Kooperasaun nian, ne’ebé sei la’ós de’it substitui Ministru Negósiu Estranjeiru no Kooperasaun iha nia auzénsia ka impedimentu sira.
Maibé mós sei apoia mós iha ezersísiu husi nia funsaun polítika, administrativa no finanseira sira nu’udar ema-ne’ebé responsável ba ezekusaun polítika esterna nasaun nian, hodi garante ninia unidade no koerénsia.
Jornalista : Alexandra da Costa
Editór : Cancio Ximenes
