DILI, 06 Marsu 2026 (TATOLI) – Operadór Telekomunikasaun ida hetan rekoñesimentu Ookla iha MWC Barcelona 2026.
Iha kuadru Mobile World Congress (MWC 2026) iha Barcelona, Ookla, lider mundiál ba intelijénsia rede no análize konektividade nian, ofisialmente, anunsia katak títulu The Best Network Operator iha merkadu Telekomunikasaun Timor-Leste fó ba Telemor.
Rekoñesimentu ida-ne’e husi Ookla bazeia ba análize husi millar teste sira ne’ebé hala’o liuhusi aplikasaun Speedtest durante períodu kotuk.
“Atu hetan títulu ida-ne’e, Telemor rejista indikadór sira ne’ebé aas liu kompara ho operadór lokal seluk iha área velosidade Download, velosidade Upload no estabilidade sinál (Consistency Score)” refere komunikadu ida ba TATOLI, ohin.
Harii iha tinan-2006 iha Estadus Unidus, Ookla mak organizasaun independente ne’ebé rekoñesidu mundialmente tanba metodolojia teste ne’ebé transparente.
Dadus husi Ookla hetan konfiansa husi governu sira no organizasaun telekomunikasaun internasionál barak hanesan padraun ouru atu avalia kualidade infraestrutura dijitál. Teste sira ne’ebé bazeia ba milhar medisaun reál kada tinan asegura katak rezultadu husi Ookla reflete ho lolos esperiénsia real utilizadór finál sira-nian.
(Analize dadus husi Ookla: Parte ida-ne’e sei atualiza tuir publikasaun ofisiál detalladu husi Ookla kona-ba prémiu ida-ne’e.)
Rezultadu ne’ebé rejista husi Ookla sai prova kle’an ba prosesu otimizasaun rede ne’ebé kontinua husi Telemor. Tuir marcu lansamentu teknolojia 5G iha tinan 2025, infraestrutura telekomunikasaun iha Timor-Leste hetan mudansa boot iha rendimentu.
Dadus estatístika hatudu tendénsia sa’e klaru iha númeru utilizadór sira ne’ebé muda ba rede 5G Telemor. Ida-ne’e reflete nesesidade prátika kliente sira atu asesu esperiénsia teknolójika foun, hanesan vídeo kualidade aas no servisu online ne’ebé presiza banda larga aas. Transisaun ba 5G la’ós de’it tendénsia inevitável, maibé mos sai xave atu hetan kualidade internet ne’ebé superiór liu.
Tuir CEO Telemor, Ethan, “ “Avansu 5G mak kompromisu Telemor atu fó esperiénsia internet ne’ebé diferente totalmente husi 4G. Ami hakarak la’ós de’it fó velosidade ne’ebé aas liu, maibé mós determina atu harii infraestrutura 5G moderna ne’ebé bele lori kualidade telekomunikasaun Timor-Leste to’o padraun nasaun sira avansadu iha rejiaun ASEAN.”
Notísia relevante:Xefe Governu kongratula Telemor ba lansamentu serbisu komersiál 5G
**
