KOVALIMA, 06 Marsu 2026 (TATOLI)- Prezidente Tribunál Rekursu (PTR) liuhusi, Juiz Tribunál Primeira Instánsia (PJPI) Suai, sesta-ne’e, fó pose ba Ofisiál justisa na’in-lima iha Tribunál Judisiál Primeira Instánsia Suai, Munisípiu Kovalima.
Ofisiál justisa ne’ebé simu pose ne’e mak hanesan, Acácio da Costa hanesan Escrivão Direitu promove ba Sekretáriu Judisiál, Manuke José da Costa, hanesan Adjunto Escrivão promove ba Escrivão Direitu, Ovídio Carlos de Sá Perreira husi Ofisiál delijénsia promove ba adjuntu eskrivão, Januário de Araújo hanesan Ofisiál delijénsia promove ba Adjuntu escrivão no Acácio Ribeirro husi Ofisiál delijénsia promove ba adjuntu Escrivão.
“Ita kumpre de’it despaixu husi Prezidente Tribunál Rekursu, Afonso Carmona ho númeru 17/2026 no despaixu númeru 20/2026 hodi promove Ofisiál justisa na’in lima iha Tribunàl Judisiál Primeira Instánsia Suai,”Juiz Administradór Tribunál Judisiál Primeira Instánsia Suai, Nasson Doutel Sarmento,dehan ba Jornalista iha Tribunál Suai.
Hafoin fó pose, Juiz Administradór husu atu servisu ho disiplina no responsablidade, tanba konfiansa ne’ebé mak fó bazeia ba avaliasaun servisu, nune’e tenke mantein komportamentu durante presta servisu iha TJPI.
Iha fatin hanesan, Sekretáriu Judisiál Tribunál Munisípiu Kovalima, Acácio da Costa, reforsa nomeasaun la’ós momentu ida-ne’ebé previleju liu maibé simu kna’ar ho responsabilidade.
“Smu pose la’os hanesan previleju maibé simu kna’ar tuir responsabilidade bazeia ba ita nia lei organizasaun hatete ona”,nia dehan.
Jornalista:Celestina Teles
Editór:Florencio Miranda Ximenes
