DILI, 09 Marsu 2026 (TATOLI) – Reprezentante povu iha Parlamentu Nasionál bolu atensaun Diresaun Nasionál Transporte Terrestre (DNTT) atu halo inspesaun ba transporte públiku sira hodi haree ninia kondisaun molok tula pasajeiru sira, hodi prevene asidente.
Deputadu Natalino dos Santos, husi Partidu Kongresu Nasionál Timorense (CNRT, sigla portugés), husu liuliu ba transporte públiku diresaun Dili-Atambua-Kupang, Óekusi, atu tenke iha kondisaun di’ak bainhira tula pasajeiru sira.
Nia lamenta ho asidente foin daudaun iha área Manduki-Bobonaru nian ne’ebé rezulta inan-feto ida mate no balun kanek kaman no grave.
“Bolu atensaun, liuliu ida [Ajénsia Travel] Paradise ne’e presiza atu haree kondisaun, mosu dezastre beibeik, kuaze dala-tolu ona”, nia preokupa.
Hodi husu mós kondutór sira labele hemu tua lanu no dukur tanba bele rezulta asidente.
Jornalista: Nelson de Sousa
Editora: Maria Auxiliadora
