DILI, 11 Marsu 2026 (TATOLI)—Diretór Jerál Servisu Nasionál Ambulánsia Emerjénsia no Médikamentu (SNAEM, I.P), Simplicio Amaral, informa iha tinan 2025 ne’e Ministériu Saúde liuhusi SNAEM entrega ona karreta ambulansia hamutuk 25 ba patrimóniu Estadu.
“Iha tinan 2025, totál karreta ne’ebe mak ita entrega ba iha patrimoniu estadu hamutuk 25, sira ne’ebé mak ita labele hadi’a ona. Ida-ne’e kobre hotu ona munisípiu 12 inklui RAEOA maibé Ataúru seidauk,” Simplicio Amaral hateten ba Jornalista sira iha Salaun MAKLN, ohin.
Nia dehan, iha tinan 2026 ne’e mós Servisu Nasionál Ambulánsia Emerjénsia no Médikamentu sei entegra tan karreta rua ka tolu ba patrimóniu Estadu maibé daudaun ne’e ekipa sira sei indentifka hela.
Aleidne ne’e, nia informa, kona-ba sosa ambulánsia iha tinan 2026 daudaun ne’e prosesu la’o ona no agora iha semana ne’e sei halo publikasaun ba públiku, atu nune’e empreza sira bele aplika ba konkursu públiku.
“Atu kompra tinan ida-ne’e prosesu iha semana ne’e ita komesa fó ona avizu konkursu públiku, atu nune’e empreza sira bele foti dokumentu atu nune’e bele submenta tanba ne’e totál orsamentu hamutuk $300 mill,” nia informa.
Maibé kona-ba ró ambulánsia daudaun ne’e funsiona ona hela soke uza fali servisu ida katak ró ambulánsia tula de’it iha tempu kalan, maibé haree mós klima bainhira mosu laloran boot entaun ekipa sira halo evakuasaun liu husi via aero de’it.
“Ita iha aviaun MAF ne’ebé mak Ministériu Saúde halo MoU hodi tula ita-nia pasiente sira iha Ataúru mai iha Dili, tanba iha tinan 2025 ita halo manutensaun ba ro ambulansia, ne’ebé ita evakua de’it husi via aero. Ita labele evakua tanba iha tinan ne’e hahú Janeiru to’o mai iha Fevereiru ita evakua hamutuk pasiente liuhusi tasi hamutuk pasiente 14,” nia hateten.
Jornalista : Felicidade Ximenes
Editór : Cancio Ximenes
