DILI, 17 Marsu 2026 (TATOLI)–Institutu Nasionál Estatístika Timor-Leste (INE-TL) indika katak Índise Presu Konsumidór (IPK) iha Timor-Leste, iha fulan- Fevereiru 2026 ne’e, nia inflasaun diminui ba 0,1%.
Bazeia ba dadus foun hosi Institutu Nasionál Estatístika Timor-Leste (INE-TL) kona-ba inflasaun diminui ne’e tanba presu husi alimentu no bebida non-alkólika (-0,1%) no transportasaun (-0,3%), ekipamentu no manutensaun mobiliáriu uma laran (+0,1%) no uma (+0,1%)
Detallu alimentu no bebida non-alkol hatudu katak ikan no hahán tasi (-2,6%), foos (-0,5%), no jus ho bee (-0,9%) sai hanesan fatór prinsipál ne’ebé presu médiu. Maibé, modo tahan (+0,6%), susubeen no keiju (+0,8%), masin-midar xokolate no hahan midar (+0,3%) aumenta sa’e.
Maske mosu diminuisaun mensál, IPK anuál nafatin sa’e 1,0% kompara ho Fevereiru 2025. Kontributór prinsipál ba inflasaun anuál mak alimentu no bebida non-alkol (+2,2%), uma (+1,0%), edukasaun (+0,3%), mobiliáriu (+0,7%), no roupa no sapatu (+0,3%), transportasaun (-0,2%), alkol no tabaku (-3,1%) no komunikasaun (-0,3%) tahan inflasaun.
Aleinde ne’e, inflasaun tradable (afetadu husi presu internasionál) estabilidade mensál maibé sae 1,2%, kada tinan, enkuantu inflasaun non-tradable (afetadu husi fatór doméstiku) nafatin estabilidade mensál ho aumentu anuál 1,0%.
Nune’e, dadus ne’e sai referénsia importante ba Governu no agente ekonomia sira atu monitoriza presu, trabsasaun husi konsumidór sira kapasidade hodi formulariza polítika ekonomia iha Timor-Leste.
Jornalista : Alexandra da Costa
Editór : Cancio Ximenes
