KOVALIMA, 17 Marsu 2026 (TATOLI) Komunidade sira husi aldeia Belulik kraik no Mota ulun, Suku Belulik Leten to’o ohin loron seidauk asesu rede Komunikasaun atu asesu informasaun no atu kontaktu malu liu husi telefone.
“Ho preokupasaun komunidade ha’u hanesan xefe suku iha responsabilidade hato’o bebeik ona ba propoante ka empreza telekomunikasun sira hanesan Telemor, Timor Telecom, maibé to’o ohin loron seidauk iha responde, tanba husu ba governu atu rezolve”, Xefe Suku Belulik Leten, husi Postu administrativu Fatumea, Oscar Perreira Amaral, informa ba jornalista-sira iha AMC
Lidér Komunitária ne’e dehan,tanba laiha rede komunikasaun bainhira komunidade sira atu halo komunikasaun sira tenke buka rede iha Belulik leten, hafoin hele kontaktu malu hodi pasa informasaun ba malu.
Tuir dadus populasaun husi Suku Belulik Leten Aldeia Mota ulun ho Belulik Kraik hamutuk 1.000-resin.
Iha fatin hanesan, Sekretáriu Estadu Komunikasaun Sosiál ( SECOMS), Expedito Loro Dias Ximenes klarifika katak, Nonu Governu Konstituisionál sei lansa Radio komunidade iha Fatumea tanba prosesu sei la’o hela.
Jornalista:Celestina Teles
Editór: Florencio Miranda Ximenes
