KOVALIMA, 18 Marsu 2026 (TATOLI)- Autoridade munisípiu Kovalima liuhusi Servisu Munisipál Jestaun Risku Dezastre Natutál (SMJRDN), alerta ba komunidade sira labele so’e foer iha valeta nune’e hamosu dezastre naturál iha tempu udan.
“Husu komunidade labele so’e foer iha valeta sira nune’e labele hamosu Inundasaun, tamba ami sempre fo hanoin ba komunidade no organiza komunidade sira hodi hamos valeta atu halo prevensaun ba dezastre ho tipu inundasaun”, Diretór Servisu Munisipál Jestaun Risku Dezastre Naturál, João Martins, dehan ba jornalista iha Bairru Kosta ohin.
Dirijente ne’e dehan,Dezastre naturál iha programa halo prevensaun no mitigasaun bainhira identifika fatin ne’ebé risku ba dezastre naturál mobiliza komunidade sira hodi halo limpeza Jerál ho intensaun hodi halo prevensaun ba dezastre naturál.
Ho programa prevensaun no miligasaun mobiliza komunidade hamos valeta SMJRDN mós prepara stock atu fó apoiu emerjénsia ba família vítima sira mak hanesan aí han ho la’os ne’ebé stock foos saka 200 sasan ne’ebé mak halo pakotementu kuaze 100 sosa uza orsamentu 2025 hamutuk rihun 40 sosa liuhosi empreza empreza Sabudoy unipesoal LDA
Tanba ne’e iha 2026 prevee de’it orsamentu rihun $20 atu sosa ai han no la’os ai han hodi prepara atu apoiu emerjénsia ba vítima dezastre natural.
Prosesu atu sosa ai han emerjénsia liuhosi aprovizionamentu nune’e empreza ne’ebé mak manan iha konkursu públiku sira mak sei sosa ai han ho laos ai han hodi Prepara ba família vítima dezastre naturál.
Tuir dadus hahú janeiru to’o agora 2026 Servisu Munisipál dezastre hamutuk ho APC fo apoiu ona emerjénsia ba vizima dezastre naturál ba família 132 tipu dezastre inundasaun, ani sobu uma no inséndiu.
Jornalista:Celestina Teles
Editór: Florencio Miranda Ximenes
