BAUKAU, 19 Marsu 2026 (TATOLI)—Governu liuhusi Ministériu Obra Públika (MOP) sei dezeña ponte Gomilafa ne’ebé ne’ebé lokaliza entre Postu Administrativu Laga no Postu Baguia, Munisípiu Baukau.
“Ha’u haruka ona tékniku sira dezeña mak ita haree,” Ministru Obra Públika, Samuel Marçal hateten iha Sentru Konvensaun Baukau (CCB-sigla portugeza), Vila Antiga, Tersa (17/03).
Ponte Gomilafa ameasadu kotu iha-ne’ebé kauza husi movimentu transporte tula materiál reabilitasaun estrada husi kompañia no udan ne’ebé afeta ba ponte referidu hetan estragu iha parte sorin karuk.
Entretantu, ponte Gomilafa úniku dalan ne’ebé fasilita movimentasaun transporte husi munisípiu ba Postu Baguia ne’ebé konstrui iha tempu okupasaun Indonézia ne’ebé fasilita movimentu transporte liuliu komunidade hamutuk 11.725 husi Baguia.
Jornalista: Natalino Belo
Editór: Xisto Freitas da Piedade
