ADRA apoiu materiál dada bee-moos ba populasaun Uma-Tolu Lakluta
VIKEKE, 23 Marsu 2026 (TATOLI)—Xefe Suku Uma-Tolu, Postu Administratrivu Lakluta, Munisípiu Vikeke, Eduardo Soares, informa parseiru Adventist Devolopment and Relief Agency (ADRA) apoia materiál melloramentu bee-moos ba Aldeia Krarek-Maruk, Suku Uma- Tolu hodi dada bee-moos ba uma-kain 30.
“Durante ne’e ha’u-nia populasaun husi Aldeia Krarek-Maruk enfrenta difikuldade ba bee-moos, nune’e ami hetan apoia materiál bee-moos nian husi ita-nia parseiru ADRA ne’ebé daudaun ne’e ami humutuk ho populasaun halo servisu hela dada bee-moos,” Eduardo Soares ba TATOLI iha Postu Lakluta, Segunda ne’e.
Nia esplika materiál ne’ebé hetan apoiu husi ADRA mak hanesan pipa, profil litru 1100 inklui materiál sira seluk hanesan rai-henek no fatuk.
Eduardo informa melloramentu bee-moos ne’e ho distánsia metru 100-resin. Bainhira konklui sei benefísia populasaun uma-kain 30.
Jornalista: Vitorino Lopes da Costa
Editór: Xisto Freitas da Piedade
