KOVALIMA , 25 Marsu 2026 (TATOLI)-Prezidente Autoridade Munisípiu Kovalima, Miguel Armada Cardoso, relata nia parte halo ona akordu ho Kompañia Mahoben Unipessoál Lda hodi hadi’a filafali estatua Saudozu Alvaro do Nascimento “Sesurai” tanba la tuir dezeñu.
“Ami halo ona akordu ho Empreza Mahonben Unip. Lda atu hadi’a estatua Saudozu Sesurai nia oin tanba la hanesan,” Nia hateten ba jornalista sira iha Kovalima ohin.
Notísia Relevante :PN aprova votu pezar ba saudozu “Sesurai” no ”Domin”
Nia esplika Autoridade Munisípiu Kovalima aloka orsamentu poupansa tinan 2025 nian hodi implementa projetu ne’e ho valór hamutuk $ 85.172,82, tanba ne’e maka kompañia tenke hadi’a filafali estatua ne’e ne’ebé harii iha Jardím Sub Rejiaun 12 Outubru ne’e ho orsamentu retensaun purseuntu 10(%).
Entertantu, tuir kontratu Empreza Mahoben Unipessoál Lda tenke finaliza projetu ne’e iha loron 31 fulan-Dezembru 2025.
Notísia Relevante :Komunidade Covalima simu saudozu ‘Sesurai’ nia mate-isin ho lia-dadolin
Jornalista:Celestina Teles
Editór: Florencio Miranda Ximenes
