DILI, 01 Jullu 2026 (TATOLI) – TradeInvest Timor-Leste rejista esportasaun produtu naun petrolíferu hamutuk tipu 12 iha períodu Janeiru to’o Juñu 2026, ho valór orsamentu hamutuk $9.137.394,58.
Diretór-Ezekutivu TradeInvest, Duílio Marino Gusmão, hateten dadus ne’e hetan liuhusi atividade monitorizasaun TradeInvest no indentifikasaun husi Automated System for Customs Data (ASYCUDA).
Tuir dadus, kafé nafatin sai nu’udar komodidade perinsipál. Empreza 15 esporta kafé ho kuantidade kilógrama (kg) 2,052,935,04 no valór osan $7.753.949,11 bá Austrália, Japaun, Suísa, Indonézia, Nova Zelándia, Olanda no Repúblika Xeka.
Ba produtu kopra esporta husi empreza neen ho kuantidade 2.017.871kg no valór osan $44.7354,34, ho destinasaun bá Indonézia de’it.
Ba kamii musan no mina-kamii, empreza sia esporta ho kuantidade hamutuk 857.590kg ho valór $207.624,6 bá Indonézia no Amérika.
Produtu konjac ka maek esporta husi empreza neen ho kuantidade 385.430 kg no valór $458.054,80 bá Indonézia no Xina. Produtu kajú ka cashew esporta husi empreza ida ho kuantidade 4.950kg no valór $990 bá Indonézia.
Akar musan, empreza 12 esporta kuantidade 1.553.526,50 kg ho valór osan $187.228,80 bá Indonézia no Xina. Budu-tasi ka seaweed Esporta husi empreza ida ho kuantidade 25.002,47kg no valór osan $17.501,73 ba Indonézia.
Produtu sukaer esporta husi empreza ida ho kuantidade 22.000kg no valór $4.400 bá Indonézia.
Nune’e mós kutulak esporta husi empreza ida ho kuantidade 50kg no valór $5.000 bá Indonézia. Ba produtu cloves, empreza ida esporta kuantidade 7.620kg ho valór $48.768 ba Indonézia
Enkuantu, paving esporta husi empreza ida ho kuantidade 11.944kg no valór osan $6.523,20 bá Kanadá.
Notísia relevante: TradeInvest promove semináriu atu prepara esportadór sira asesu bá merkadu globál
Jornalista: Arminda Fonseca
Editora: Maria Auxiliadora
