DILI, 25 Marsu 2026 (TATOLI)—Governu liuhusi reuniaun Konsellu Ministru, kuarta ne’e, aprova projetu Rezolusaun Governu hodi fó donativu ho montante rihun $60 ba Reprezentasaun Permanente Repúblika Árabe Saaraui Demokrátika iha Timor-Leste,
Proposta ne’e aprezenta husi Ministru Negósiu Estranjeiru no Kooperasaun, Bendito dos Santos Freitas, iha reuniaun Konsellu Ministru.
Bazeia ba komunikadu ne’ebé Agéncia Tatoli asesu katak rezolusaun Governu ida-ne’e ho objetivu prinsipál atu apoia funsionamentu Reprezentasaun Permanente Repúblika Árabe Saaraui Demokrátika iha Timor-Leste.
Aleinde ne’e, espresa Timor-Leste nia solidariedade ho povu Saaraui, hodi konsidera lasu istóriku amizade nian no perkursu luta hamutuk ba autodeterminasaun.
Jornalista : Alexandra da Costa
Editór : Cancio Ximenes
