DILI, 26 Marsu 2026 (TATOLI)—Prezidente Repúblika,, José Ramos-Horta, kinta ne’e iha Palásiu Prezidensiál Nicolau Lobato, realiza enkontru ho membru Konsellu Superiór Defeza no Seguransa (KSDS) hodi ko’alia kona-ba asuntu estratéjiku seguransa rai-laran.
“Enkontru Konsellu Superiór Defeza no Seguransa ko’alia buat oioin rai-laran nian, la autoriza ha’u atu ko’alia sai,” Xanana hateten ba jornalista sira hafoin remata reuniaun referidu.
Reuniaun ne’e partisipa husi membru sira-ne’ebé define iha Konstituisaun Repúblika Demokrátika Timor-Leste no Lei ho nia kompozisaun membru permanente sira mak Prezidente Repúblika (hanesan Prezidente Konsellu), Primeiru-Ministru, Ministru Defeza, Ministru Interiór (Seguransa Interna), Komandante Jenerál hosi FALINTIL-Forsa Defeza Timor-Leste (F-FDTL), Komandante Jerál hosi Polísia Nasionál Timor-Leste (PNTL) ho membru nomeadu sira mai-hosi sidadaun sira ne’ebé Prezidente Repúblika nomeia (normalmente ema ho esperiénsia iha defeza, seguransa ka área relasionadu).
Sira hotu-hotu hala’o kna’ar atu fó konsellu estratéjiku bá Prezidente Repúblika kona-ba asuntu defeza no seguransa nasionál.
Jornalista : Hortencio Sanchez
Editór : Cancio Ximenes
