DILI, 29 Marsu 2026 (TATOLI)—Arsebispu Arkidioseze Metropolitana Dili, Dom Virgilio Kardeál do Carmo da Silva, SDB, hateten Domingu Ramus marka inisiu semana santa nian no konvida sarani sira hotu atu la’o hamutuk iha Jesus Kristu ninia paixaun.
“Santa kreda selebra Domingus Ramu nos paixão do senhor, presiza haksolok bainhira Jesus tama iha Jeruzalem, asembleia haklalak nu’udar liurai atu husik Jesus ba mate. Domingu Ramus besik semana santa, tempu ne’ebé tuir kalendáriu ita sarani sira-nian, Domingu Ramus konvida ita atu la’o hamutuk iha Jesus nia paixaun,” Dom Virgilio Kardeál hateten iha ninia omilia bainhira prezide misa Domingu Ramos iha Igreja Nossa Senhora Maria Imaculada Conceição, ohin.
Nia esplika, leitura sira ohin nian aprezenta Maromak nia haraik an mai ema hotu mak mistériu boot Maromak Nia haraik an, redensaun, Jesus nia entrada solene ba Jruzalem hatudu ema-nia esperansa hein ba liurai hodi hatudu ba sarani sira atan terus-na’in no atan ne’ebé fiél.
“Jesus hamamuk nia an, halo nia an hanesan atan. Mai ita hahú loron boot no loron santu ida-ne’e ho apostolu Paulo ninia liafuan ne’ebé foin ita rona, hamamuk an no halo an sai atan mate iha krús,” Dom Virsgílio Kardeál hateten.
Iha semana santa, liuliu iha Kinta-feira mai ne’e, jesus hanesan atan hodi fase nia eskolante sira-nia ain, no iha Sesta-feira santa ne’e Jesus halo an hanesan atan no terus-na’in no manán-nain, tanba ne’e Jesus mai koko sarani sira atu terus iha mundu ida-ne’e.
“Maromak salva ita tan hadomi. Dalabarak ita hanoin, ita mak serbí Maromak, lae, se ita hanoin hanesan ne’e, sala. Maromak mak serbí ita ida-idak gratuitamente tanba Nia hadomi uluk ita no tanba Nia mak hakarak ita atu moris,” nia dehan.
Maibé iha dalan saida mak Jesus serbí ema, nia dehan, liuhusi dalan Jesus saran nia ab ba nia sarani sira tanba nia hadomi ema hotu hodi saran nia an ba mate.
“Maromak hadomi ita husi ita-nia sala ba Nia, Nia la halo reazen ida, apsiénsia, obidiénsia hanesan atan ida tanba Nia forsa maihusi Maromak. Jesus fó nia an mai ita hodi koko terus ne’ebé boot tebe-tebes. Terus boot liu hotu ne’eb’e Jesus halo no terus ida-ne’e maki ta ida-idak koko mak traisaun no abandonu,” nia hateten.
Jesus nia esperiénsia traisaun maihusi nia eskolante sira hodi nega no lahatene Jesus, tanba ema hirak ne’ebé hakilar “Hosana David nia oan” ne’e mak fila hodi trai Jesus no hakilar “hedi Nia ba krús, hedi Nia ba krús!”.
Tuir nia, sarani sira mós koko atu hanoin keta halo mós traisaun ba ema seluk karik, ne’ebé ema ida-idak halo iha ninia moris.
“Tanba istória paixaun la haktuir mai ita atu rona de’it maibé hanesan espellu ida ba ita. Todan oinsá ita sente, konfiansa ne’ebé ita fó ba ema, ema abuza. Ida-ne’e sei lori ita ba dezesperasaun no moris sei laiha tan sentidu. Ne’e mosu tanba ita ema moris ne’e atu hadomi no buat ne’ebé dalabarak ita susar atu perdua mak bainhira ema-ne’ebé ita hadomi halo traisaun bai ta-nia promesa,” nia dehan.
Tuir nia, semana santa ne’e konvida sarani hotu ba hasoru Jesus hodi hafoun nia an, hodi ba hasoru krús hodi dehan “ha’u-nia Maromak, ha’u-nia Maromak tansá Ita hewai ha’u”, basá Jesus mai iha mundu atu serbí ema hotu no Jesus Nia paixaun hanorin ema hotu atu sai ema-ne’ebé hadomi-na’in.
Jornalista : Felicidade Ximenes
Editór : Cancio Ximenes
