DILI, 01 Abríl 2026 (TATOLI)—Governu delibera hodi autoriza despeza no kontratasaun ba projetu infraestrutura sira iha munisípiu hanesan Víkeke, Aileu, Tibar (Likisa) no Tutuluro (Manufahi).
Iha obra dahuluk nian Governu sei implementa reabilitasaun estrada emerjénsia husi Larigutu-Uaguia, Tahagaba Dalirisi, munisípiu Vikeke ho montante millaun $3-resin. Nune’e mós sei halo konstrusaun moru retensaun Tibar River, ho montante millaun $1-resin.
Iha proposta ne’e mós Governu sei implementa konstrusaun foun ba obra “Open New Roads husi suku Asumau ba suku Liurai to’o postu Remexiu, munisípiu, kuazé kilómetru 11.1, ho totál orsamentu hamutuk millaun $1-resin.
Nune’e mós Governu sei kria konstrusaun foun ba estrada (Open New Roads) iha Tutuluro-Mindelo-Bina, Munisípiu Manufahi ho montante millaun $2,7.
Jornalista : Alexandra da Costa
Editór : Cancio Ximenes
