Prosesu reabilitasaun estrada Kuluhun-Bekora atinje ona 50%

DILI, 01 Abríl 2026 (TATOLI)—Ministru Obra Públika, Samuel Marçal, informa prosesu reabilitasaun ba estrada Kuluhun-Bekora daudaun ne’e atinje ona50% tamba iha servisu fíziku balun ne’ebé empreza Montana Diak kontinua konklui ona hanesan drainajen no trotoar balun mak seidauk konklui.

Notísia Relevante: Alargamentu estrada Kuluhun-Bekora fó prioridade ba transporte públiku-ema la’o ain sira

“Kona-ba servisu todan sira-ne’e kuazé kompleta hotu ona. Agora hela de’it ponte ne’e finaliza no fiu underground ho trafo eletrisidade ne’e konklui ona, nune’e empreza bele kontinua finaliza reabilitasaun ba estrada no jardin nian,” Ministru Samuel informa ba Agência Tatoli iha nia kna’ar fatin, ohin.

Nia dehan, sira-nia alvu finalizasaun ne’e bele akontese to’o fulan-Setembru 2026, ho nune’e komunidade bele uza ona Estrada ne’e hanesan baibain.

Entretantu, kona-ba estabelesimentu fiu undergorund iha Bekora bainhira finaliza ona, Governu sei kontinua implementa iha área seluk hanesan iha Kuluhun, Bidau Akadiruhun, Kaikoli, Balide, Rotunda Nicolau Lobato sa’e mai to’o Fatuhada kontinua to’o Mandarin, liuliu iha área protokolu sira.

Jornalista : Alexandra da Costa

Editór        : Cancio Ximenes