KOVALIMA , 02 Abríl 2026, (TATOLI) – Hahú Janeiru to’o Marsu 2026 ne’e, Diresaun Transporte no Komunikasaun Munisípiu Kovalima arrekada ona reseita $64.203.50 ba kofre Estadu.
Diretór Transporte no Komunikasaun Munisípiu Kovalima, Joaquim Gusmão, relata iha 2026 foin trimestre ba dahuluk DTK kontribui reseita hamutuk $64.203.50 mai husi atividade rutina hodi halo inpesaun $34,283.50 no ba sidadaun ne’ebé mak rejista hodi hasai karta kondusaun kontribui reseita $29.920 ba kofre Estadu.
“Ami arrekada reseita durante trimestrál ba dahuluk ba atividade rutina hodi halo inpesaun $34,283.50 mai husi renova inpesaun veíkolu,renova lisensa tránzitu, karta kondusaun no guia de marsa ba sidadaun sira ne’ebé mak uza karreta lori ba nasaun viziñu Indonézia”, Diretór DTK, Joaquim Gusmão relata ba TATOLI, iha Bairru Kosta-Suai, ohin.
Bazeia ba servisu DTK Kovalima kontribui reseita total invoice hamutuk 1,682 , mai husi inspesaun veíkulu,lisensa tránzitu,karta kondusaun,rejistu,Xapa mátrikula lakon,troka xapa no família uza Karreta viajen ba indonézia.
Aleinde mós mai husi sidadaun sira ne’ebé mak foin lalais halo rejista hodi trata sira nia karta kondusaun hamutuk rihun rua resin husi númeru balun tuir teste eskrita no balun seidauk tuir, balun tuir teste prátika la pasa, seidauk iha iha dadus ho lo loloos tanba sei prosesu imprime karta kondusaun reseita hamutuk $29,920.
Jornalista:Celestina Teles
Editór: Florencio Miranda Ximenes
