BAUKAU, 08 Abríl 2026 (TATOLI) – Kandidatu funsionáriu kontratadu hamutuk na’in-337 tuir teste eskrita nu’udar ofisiál iha Sekretariadu Tékniku Administrasaun Eleitorál (STAE) munisípiu Baukau.
Diretór STAE Munisipál Baukau, Natividade Freitas Guterres, esplika, teste referida ba pozisaun tolu ne’ebé tuir planu bainhira pasa iha teste sei destaka ba kada postu administrativu ualu ne’ebé iha munisípiu Baukau.
“Sira-ne’e prepara ba halo kartaun biométriku ho obejetivu atu aselera finaliza produs kartaun ne’ebé tuir tarjetu tenke remata iha finde tinan-ne’e,” Natividade Freitas Guterres hateten iha Sentru Konvensaun Baukau (CCB, sigla Portugés) Vila Antiga, Kuarta ne’e.
Natividade Guterres, relata, pozisaun tolu referida hanesan pontu vokál ne’ebé sei hala’o funsaun halo koordenasaun ho postu administrativu no liga komunikasaun ba STAE munisípiu, pozisaun operadór sistema funsaun atu halo kartaun geométriku no asistente operadór fó asisténsia ba operadór sistema atu aselera serbisu atendimentu kartaun biométriku.
Alende ne’e, hafoin remata teste eskrita kandidatura ne’ebé pasa sei kontinua ba orál no bainhira remata kontinua asina kontratu ne’ebé hala’o serbisu to’o eleisaun parlamentár 2028.
“Durante ne’e atendimentu iha munisípiu, entaun bainhira teste ne’e ramata sei hala’o atendimentu to’o baze iha kada postu,” Natividade Guterres akresenta.
Entretantu, husi totál kandidatura na’in-337 kandidatura ofisiál ne’ebé sei pasa ezame hamutuk na’in-28 kompostu pontu vokál na’in-ualu, operadór sistema na’in-ualu no asistente operadór na’in-ualu.
Jornalista: Natalino Belo
Editór: Evaristo Soares Martins
