VIKEKE, 09 Abríl 2026 (TATOLI) – Organizasaun Nasaun Unida ba Ai-Han no Agrikultura (FAO – sigla Inglés) entrega morizada unidade haat ho marka Yamaha ba estensionista Postu Administrativu Uatulari, Munisípiu Vikeke, hodi fasilita servisu estensionista iha terenu.
Direktór Servisu Agrikultura Munisipál Vikeke, Olivio Soares Fernandes hatete motorizada hirak ne’e sei hakma’an serbisu estensionista hodi ho fo apoia ba hasa’e to’os na’in sira hasa’e produsaun agríkola.
Nia husu ba extensionista sira atu utiliza motorizada hirak ne’e ho didiak hodi lori benfísiu ba komunidade.
“Ha’u apela ba estensionista sira, husi ohin ba oin, tenke priense formulálriu utiliza motorizada no relata ba ha’u kada fulan,” nia dehan.
Administrador Postu Administrativu Uatulari, Jorgé Ribeiro, haktuir tinan barak estensionista sira laiha transporte hodi apoia sira nia serbisu, tanba ne’e fasilidade ne’ebé mak FAO oferese importante tebes.
“Estensionista sira tenke uza fasilidade sira ho kuidadu no utiliza de’it ba serbisu. Ha’u sei kontrola servisu estensionista sira iha postu Uatulari, inklui utilizasaun transporte hirak ne’e,” nia hatete.
Serbisu estensionista Uatulari kobre suku haat mak hanesan Afaloikai, Uaitame, Matahoi, Vessoru, Babulo, Makadique de Cima, Makadique de Baixo no Makadique Uaitame.
Seremonia distribuisaun hetan partisipasaun hosi ekipa FAO, Servisu Agrikultura Munisípiu Vikeke, autoridade lokál, veteranu no to’os na’in.
Jornalista: Vitorino Lopes da Costa
Editór: Filomeno Martins
