DILI, 15 Abríl 2026 (TATOLI)-Governu liuhusi reuniaun Konsellu Ministru delibera hodi hili tema “Hamutuk ita sei hari’i pátria ida ne’ebé justa, inkluziva no reziliente liután”, ba serimónia ofisiál sira selebrasaun aniversáriu Restaurasaun Independénsia Timor-Leste nian ba da-24, ne’ebé selebra iha 20 Maiu.
Proposta ne’e aprezenta direta husi Ministru Administrasaun Estatal (MAE), Tomas do Rosário Cabral, iha reuniaun Konsellu Ministru ne’ebé realiza iha kuarta ne’e, iha Palásiu Governu.
Aleinde ne’e, Governu mós delibera proposta ne’ebé aprezenta husi Ministru Komérsiu no Indústria, Filipus Nino Pereira, hodi hili tema “Aprofunda Kooperasaun Ekonómika no Komersiál iha CPLP: Oportunidade no Dezafiu” ba Reuniaun Ministrus Komérsiu Komunidade País Lian Portugés (CPLP, sigla iha lian Portugés), ne’ebé sei hala’o iha fulan-Juñu tinan 2026.
Jornalista : Alexandra da Costa
Editór : Cancio Ximenes
