DILI, 16 Abríl 2026 (TATOLI)—Ekipa Vietname halakon Timor-Leste 10-0 iha jogu daruak Timor-Leste kontra Vietname iha tasa ASEAN U-17 2026 ne’ebé realiza iha Indonézia, iha kinta (16 Abríl 2025) ne’e.
Notísia Relevante: Garuda Muda halakon Lafaek 4-0 iha jogu abertura ASEAN Championship Boys 2026
Ho derrota ne’ebé ekipa Lafaek hetan lori trsireza boot ba bolamania sira hotu iha Timor-Leste tanba golu ne’ebé boot no la merese atu akontese.
Bainhira minutu primeiru hahú ekipa rua lansa kedan kontra no atake ba malu tuir tékniku no abilidade ekipa idaidak nian oinsa hatama golu.
Timor-Leste lakon kedan nia jogu bainhira Vietname halo presaun maka’as husi lina ba lina, iha kampu laran ekipa rua funu maka’as, maibé jogadór Vietname nia forsa no tékniku jogu ho dixiplina maka’as, nune’e nune’e fó oportunidade ba Vietname halo golu.
Jogu la’o naruk, maibè Timor-Leste labele kombate ho atake ne’ebé Vietname halo, ikus iha minutu primeira parte termina rezultadu hela ho 4-0, Vietname 4 no Timor-Leste zero.
Dolar ba segunda parte, ekipa rua nafatin luta, maibé Vietname domina liu bola no halo Timor-Leste book-an la di’ak, ikus to’o jogu ramata, Vietname aumanta tan golu neen (6) hodi komleta rezultadu 10-0.
Husi rezultadu ne’e halo Timor-Leste failla totál atu ultrapasa ba jogu tuir mai tanba faze apuramentu grupu hela dei’it jogu dala ida kontra Malázia.
Rekorda fali katak, antes ne’e iha loron dauluk Timor-Leste ho Indonézia mak halo abertura ba jogu, iha ne’ebé Timor-Leste sofre kedan golu haat (4) husi adversariu Indonézia. Enkuantu iha jogu daruak ne’e Timor-Leste tenke sofre aat liutan ho golu 10-0.
Iha loron 13 fulan-Abríl tinan 2026, Vietname manán ho 4-0 hasoru Malázia, enkuantu Indonézia halakon Timor Leste ho 4-0 iha sira-nia jogu abertura iha Grupu A nian.
Jornalista : Hortêncio Sanchez
Editór : Cancio Ximenes
