Alerta tsunami fó-sai hafoin rai-nakdoko ho magnitude 7.4 akontese iha Japaun
DILI, 20 Abríl 2026 (TATLI) – Rai-nakdoko ho magnitude preliminár 7,4 akontese iha kosta nordeste Japaun nian iha loron-segunda, 20 Abríl loraik, fó-sai husi Ajénsia Meteorolójika Japaun nian.
Alerta kona-ba tsunami ida ho aas to’o metru 3 iha prefeitura Iwate no parte sira Hokkaido nian.
Iha mós rai-nakdoko ho magnitude 6,9 ne’ebé akontese iha kosta leste Honshu nian.
Liuhusi de’it menutu sanulu, rai-nakdoko maka’as ho magnitude 7.4 sa’e ba 7,5 akontese iha norte Japaun nian iha loron-segunda ne’e, fó-sai hosi Ajénsia Meteorolójiku Japaun nian (JMA), hodi alerta kona-ba tsunami ho aas to’o metru Tolu iha prefeitura Iwate, Aomori no Hokkaido.
Rai-nakdoko ne’e akontese iha tuku 16.53 oras lokál (tuku 15.53) iha tasi Pasífiku nian iha norte prefeitura Iwate nian no ho profundidade kilómetru 10, haktuir ajénsia ne’e.
Rai-nakdoko ne’e maka’as tebes hodi halo nakdoko edifísiu boot sira to’o iha Tókiu, ho distánsia kilómetru atus resin.
Operadór hosi komboiu bala Tohoku Shinkansen hatete katak servisu ne’e suspende ona entre Estasaun Tókiu no Estasaun Shin-Aomori.
Ida-ne’e paradu tanba rai-nakdoko, tuir emisora NHK. Rai-nakdoko ne’e ho medida “super 5” iha eskala intensidade sísmiku Japaun nian – maka’as tebes hodi difikulta ema sira atu movimenta. Iha kazu barak, parede sira ho bloku beton ne’ebé la armadu monu.
Ida-ne’e maka istória ida ne’ebé dezenvolve hela.
TATOLI
