AINARU, 20 Abríl 2026 (TATOLI)—Konsellu Imprensa (CI, sigla protugés) fasilita jornalista na’in-20 husi mídia emprime no mídia eletrónika iha Timor-Leste, tuir formasaun investogative journalism iha Postu Administrativu Maubisse, Munisípiu Ainaru, ne’ebé hahú husi loron 20-24 fulan-Abríl tinan 2026.
Konselleiru Konsellu IMprensa, Joaquim de Faátima Cotinho, husu ba jornalista sira atu aproveita formasaun ne’e hodi hakle’an liutan koñesimentu kona-ba oinsá halo kobertura no hakerek notísia investigativu.
“Ita-boot sira aproveita didi’ak formasaun ne’e, bainhira fila husi fatin ne’e bele implementa iha ida-idak nia servisu fatin. Fornasaun ne’e bele hasa’e liutn ita-boot sira nia koñeseimentu iha reportajen investigativu,” nia hateten iha nia diskursu bainhira loke formasaun ne’e, iha Salaun Sara Maubisse, ohin.
Jornalista hirak ne’ebé partisipa iha formasaun ne’e mai husi mídia sira hanesan TATOLI, RTTL, STL, Sapnews, Radiu Liberdade, RAFA, Hatutan, Radiu Komunidade Mauloko Maubisse.
Formasaun ne’e, aprezenta formadór mai husi Indonézia, Lestantya R. Baskoro, hanesan jornalista senior iha mídia Tempo Indonesia.
Reprezentante jornalista husi Rádiu Liberdade, Natalino Ximenes. Hateten formasaun ne’e importante tebes ba jornalista tanba bele aumenta sira-nia kapasidade.
“Formasaun ne’e importante tebes mai ha’u hanesan jornalista atu aumenta tan ha’u nia koñesimentu. Durante loron lima ne’e, ha’u sei aprende ho di’ak, nune’e bainhira fila ba servisu fatin ne’e sei implementa ho di’ak saida mak ami hetan iha formasaun ne’e,” Natalino hateten.
Jornalista : Hortêncio Sanchez
Editór : Cancio Ximenes
