KOVALIMA, 28 Abríl 2026 (TATOLI)- Diresaun Jerál Dezenvolvimentu Rurál (MDRHC), finaliza konstrusaun sintina públiku tolu hanesan iha postu administrativu Suai, Tilomar no Zumalai, Munisípiu Kovalima.
Empreza ne’ebé konstrui projetu referidu mak Buimaras, Dalmesia no Sabudoy Unipesoal LDA ho nia orsamentu totál hamutuk $13.141,80. Medida ba sitina públiku mak 4,80×4,40.
“Ami konstrui ona sintina públiku tolu iha munisípiu Kovalima no finaliza kampu Futsal ida iha munisípiu Kovalima ne’ebé hahú konstrui iha 2025”, Koordenadór Diresaun Jerál Dezenvolvimentu Rurál, (MDRHC) Munisípiu Kovalima, Silberto Barros da Costa Gusmão informa ba jornalista sira iha salaun AMC-Suai.
Projetu hirak ne’e hahú konstrui iha Outubru 2025 ne’e empreza finaliza ona konstrusaun sitina públiku ne’e Marsu 2026, nune’e hein atu entrega ba komunidade sira.
Tuir dadus MDRHC implementa programa iha suku 11 iha aldeia alvu 15 ho totál grupu benefisiáriu 35.
Jornalista:Celestina Teles
Editór: Florencio Miranda Ximenes
