KOVALIMA, 06 Maiu 2026 (TATOLI)- Servisu Munisipál Saúde Kovalima, dadaun-ne’e rejista moras Infesaun Respiratóriu Aguda hamutuk (IRA) no moras Hipertensaun hamutuk 6,378 iha munisípiu Kovalima.
“Durante ne’e, ami identifika no rejista moras rua mak aas iha munisípiu Kovalima hamutuk 6.378 husi númeru ne’e moras hada’et no moras la hadaet”,Diretór Servisu Munisipál Saúde Kovalima, Domingos Sequeira, aprezenta ba komisaun F Parlamentu Nasionál, iha salaun AMC.
Moras hada’et ho la hada’et hamutuk 6,378 husi númeru moras hada’et Infesaun Respiratória Aguda hamutuk 5.388 no moras la hada’et ipertensaun hamutuk 990.
IRA mak moras ka vírus bateria ka alerjia ho nia sintoma mak hanesan inus been,mear, kakorok moras no isin manas. faktor risku husi polusaun, rai rahun, sistema imunidade fraku, nutrisaun la di’ak no ijiene.
Atu halo prevensaun mak fase Liman bebeik ho sabaun,uza maskra,han han nutrisaun no deskansa sufisente. Tratamentu deskansa ,hemu bee barak no konsulta iha sentru saùde
Jornalista:Celestina Teles
Editór: Florencio Miranda Ximenes
