DILI, 07 Maiu 2026 (TATOLI) – Zuliana Lainez eleita nu’udar Prezidente foun ba Federasaun Internasionál Jornalista sira-nian (IFJ, sigla inglés).
Prosesu eleisaun hili prezidente foun liuhusi Kongresu Sentenáriu IFJ nian iha Paris, Iha loron 6 fulan-Maiu tinan 2026.
Zuliana Lainez Otero, jornalista peruanu ida no prezidente hosi Asosiasaun Nasionál Periodista sira Perú nian (ANP), hetan eleitu nu’udar prezidente hosi Federasaun Internasionál Jornalista sira-nian (IFJ) iha Kongresu Mundiál Sentenáriu Federasaun nian iha Paris.
Nia maka feto dahuluk hosi Amérika Látina no Karibe ne’ebé lidera organizasaun jornalista sira ne’ebé boot liu iha mundu.
Zuliana Lainez Otero hanesan mós vise-prezidente hosi Federasaun Jornalista sira Amérika Látina no Karibe nian (FePALC) no eis-vise-prezidente seniór hosi IFJ.
Hafoin servisu iha Komité Ezekutivu IFJ nian durante tinan 16, Lainez troka Dominique Pradalié (SNJ-Fransa), ne’ebé lidera ona Federasaun iha tinan haat liubá.
Nia hanesan prezidente feto datoluk hosi IFJ iha nia istória tinan 100, hafoin jornalista franseza Pradalié (2022-2026) no jornalista belga Mia Doornaert (1986-1990).
Jornalista peruanu ida no líder sindikatu nian, Lainez serbisu nu’udar Editór Opiniaun nian iha jornál online Crónica Viva no nu’udar Editór Notísia Internasionál nian iha Rádiu ANP.
Nia mós dosente ida iha lei imprensa no direitu ba informasaun. Iha nia karreira jornalizmu nia sorin, Lainez envolve iha movimentu sindikal dezde kompleta nia estudu sira iha Eskola Jornalizmu Universidade Jaime Bausate y Meza iha Lima.
Nia tama iha ANP bainhira nia gradua no hafoin ne’e nia kaer ona pozisaun oioin iha uniaun nia laran, inklui nu’udar ativista baze, prezidénsia ANP nian iha Lima no sekretária jerál.
Iha 2021, nia sai feto dahuluk ne’ebé kaer prezidénsia ANP nian iha ninia istória tinan 97 nian.
Ninia eleisaun marka marku ida iha reprezentasaun hosi Súl Globál iha estrutura governasaun internasionál sira, no rekoñese Lainez nia dedikasaun kleur ona hodi defende direitu traballadór sira, defende seguransa jornalista sira-nian no promove liberdade espresaun nian.
Prezidente IFJ ne’ebé foin eleita, Zuliana Lainez, hateten: “Ita iha períodu ida ne’ebé dezafiante ba jornalizmu iha mundu tomak. Iha tinan hirak ikus ne’e, ita haree númeru ne’ebé maka’as tebes hosi jornalista sira ne’ebé mate iha Palestina, Ukránia, Líbanu, Sudaun no Amérika Latina, ne’ebé laiha presedente iha istória. Nível impunidade ba krime sira-ne’e mós laiha presedente hanesan ita-nia organizasaun ida-ne’e, ita-nia devér globál. krime sira-ne’e hetan prosesu iha tribunál internasionál sira,” Lainez hateten.
“Ida-ne’e istóriku katak Amérika Látina tenke iha roman ba federasaun mundiál ida iha sentenáriu hosi nia fundasaun. Momentu ida-ne’e lori ona tinan atus ida hosi istória organizasaun nian atu to’o, no agora to’o ona ita-nia kontinente nia turnu. Ha’u fó-sai ona ho klaru katak ita la’ós hili prezidente ida iha-ne’e; ita hili ema ida atu lidera ekipa ida. Signifika atu reziste no luta. Istória ida-ne’e halerik ita, maibé ida-ne’e mós sai hanesan forsa ida ne’ebé dudu ita hasoru dezafiu sira ohin loron nian,” Prezidente IFJ foun apela liuhusi nota imprensa ne’ebé TATOLI asesa husi IFJ, kinta ne’e.
IFJ reprezenta jornalista liu 600,000 iha nasaun 146. Timor-Leste Press Union (TLPU) nu’udar membru IFJ.
TATOLI
