DILI, 18 Maiu 2026 (TATOLI)—Empreza Ezekutivu Aero Dili, segunda ne’e, aprezenta poténsia investimentu iha setór infraestrutura no turizmu ba Prezidente Repúblika, José Ramos-Horta.
”Ekontru ho Prezidente tanba husi eleisor aviaun-na’in mak mai, sira hanesan ema aviaun-na’in hakarak hasoru prezidente ne’ebé ha’u lori sira mai, ami ko’alia mós kona-ba investimentu iha área infrastrutura no turizmu,” Diretór Aero Dili, Lourenço de Oliveira, hateten ba jornalista sira hafoin ramata enkontru ho Prezidente Repúblika, José Ramos-Horta, iha Palásiu Prezidensiál Nicolau Lobato, Bairru Pite.
Nia dehan, dezenvolvimentu turizmu nasioná, tanba setór ne’e iha relasaun ho voo aviaun nian.
“Sira hakarak hatene tanba ema ne’e eleisor foun ida, asuntu ne’ebé sira hateten mak sira hakarak hatene ita-nia infraestrutura no turizmu, tanba ne’e mak ema bele sa’e aviaun barak,” nia esplika.
Nia hatutan, iha enkontru ne’e Xefe Estadu rona de’it kbiit no intensaun husi investidór sira-ne’e no seidauk iha rekomendasaun ruma ne’ebé fó sai.
Enkontru ne’e mós sai hanesan pasu ida hodi haree ba oinsá bele hametin liután ekonomia Timor-Leste nian iha futuru.
Notísia Relevante: Diretór Aero Dili konsidera xave investimentu depende ba kapasitasaun rekursu umanu
Jornalista : Hortêncio Sanchez
Editór : Cancio Ximenes
