DILI, 24 Maiu 2026 (TATOLI)-Federasaun Xadrez Timor-Leste hamutuk ho Komisaun Organizadora (KO) Muapitine Lautein organiza kompetisaun jogu Xadrez ba atleta na’in-44 hodi komemora loron restaurasaun independénsia ba da-24.
Prezidente Komisaun Organizadora, Jorgito Ramos da Costa Marques, hateten ida-ne’e sai hanesan momentu ida-ne’ebé maka sira fiar katak, sira-nia suku Maupitine Lautein nian bele mai organiza eventu boot kona-ba Xadrez ida iha nasionál
“Ida-ne’e mai konsidera eventu boot, ho objetivu hakarak selebra loron restaurasaun independénsia no Masakre Maupitene. Enkuantu atleta ne’ebé kompete hamutuk na’in-44, kompostu husi feto na’in-sanolu no mane na’in-34”, Komisaun organizadora ne’e relata ba jornalista sira iha salaun MJDAK Lesidere, ohin.
Prezidente KO ne’e afirma, inisiativa ne’e mós rekomendasun ida husi MJDAK tu aumenta tan modalidade desportu bainhira sira organiza eventu futeból iha tinan kotuk
“Kompetisaun ne’e iha prémiu ba manán-na’in sira maka sei oferese taxa neen (6) no osan hahú husi $20 to’o $100, no prémiu hirak ne’e hetan kontribuisaun husi Maupitine nia emar sira”, nia tenik.
Prezidente Federasaun Xadrez Timor-Leste, Tomas Fernandes, dehan kompetisaun ne’e inisiativa iha atu promove no investe ita-nia rekursu (atleta), katak konesimentu jogu Xadrez ne’ebé ita iha tenke fahe ba jerasaun foun sira.
“Entaun ho inspirasaun ida katak oinsá mak ita bele kuda metin sentidu patriotismu timoroan nian hodi hanoin hikas erói sira ne’ebé fó-an ba mate tanba rai ida-ne’e”, nia hateten.
Dirijente ne’e énfaze, hatudu sentidu patriotismu liuhusi kompetisaun Xadrez, tanba jogu Xadrez sai hanesan modtlaidade desportiva ida hotu, nune’e ita tenke aprende maka’as atu aban bainrua bele kompete iha rejionál.
“Tanba ne’e mak ha’u-nia prezensa iha ne’e hodi fó motivasaun ba atleta foinsa’e sira, ita tenke investe no fó asisténsia ba foinsa’e sira atu reprezenta ita-nia nasaun iha eventu sira tuirmai”, nia espera.
Jornalista: Alexandra da Costa
Editór: Rafael Ximenes de A. Belo
