DILI, 27 Maiu 2026 (TATOLI)—Primeiru-Ministru, Kay Rala Xanana Gusmão, konsidera selebrasaun loron Eid al-Adha 1447 sai ezemplár di’ak ba liberdade relijioza nian iha Timor-Leste.
“Ohin, selebra loron Eid al-Adha 1447 ne’e, Timor sai ezemplu di’ak ida kona ba liberdade relijioza ita respeita malu, laiha problema ida entre relijiaun ba fiar,” PM Xanana deklara iha Ministériu Finansa, Aitarak Laran, ohin.
Ne’edun,i Xefe Governu parabeniza komunidade musulmanu sira iha Timor-Leste, husu nafatin ba Maromak atu bele haree malu ho di’ak no haree malu ho konsiénsia katak mesak timoroan de’it.
“Ho hanoin ida no vizaun ida ba ita-nia rain no ita-nia povu, atu hametin estabilidade iha ita-nia rain. Hakuak boot ho respeitu tomak ba maun-alin sira husi musulmanu,” Xanana dehan.
Enkuantu loron Idul Adha tradisaun ne’e loron fiar ka musulmanu sira iha mundu katak Idul Adha ne’e mós hanesan selebrasaun loron ‘haji’ no mós hanaran “Idul Qurban”, tanba iha loron ne’e mak Maromak fó oportunidade ba nia emar sira atu bele hakbesik aan ba Nia.
Jornalista : Alexandra da Costa
Editór : Cancio Ximenes
