Xanana: “Bainhira ha’u sei moris, greater sunrise tenke mai Timor”
DILI, 28 Maiu 2026 (TATOLI)—Primeiru-Ministru, Kay Rala Xanana Gusmão, garante katak greater sunrise sei la ba fatin seluk maibé sei mai iha Timor-Leste.
“Ha’u la garante katak prosesu ne’e atu mai kedas aban bainrua. Maibé, ha’u garante bainhira ha’u sei moris, karik greater sunrise sei laba fatin seluk maibé tebke tenke mai Timor,” Primeiru-Ministru Xanana ba deklara iha debate jeneralidade ba Orsamentu Retifikasaun iha Parlamentu Nasionál hodi hatán ba preokupasaun husi deputadu bankada opozisaun sira kona-ba greater sunrise nian, iha kinta (28 Maiu 2026) ne’e.
Primeiru-Ministru hateten, Orsamentu Retifikativu la’ós hasai husi fundu minerál maibé Governu halo ezersisiu ida hodi haree mos ba sira-nia sala boot durante tinan tolu ona greater sunrise la mai, ne’e sala husi Governu
“Ami rekoñese ami-nia inkapasidade, tanba ne’e mak Bayu Undang mós menus ona. Neʼebé ita-nia orsamentu retifikativu ida-ne’e dalaruma ita husik maibé ita hasai tan de it osan, di’ak-liu ita atu ba ne’ebé loos,” Xanana hateten.
Antes ne’e, deklasaun husi Ministru Petróleu Rekursu Minerál, Francisco da Costa Monteiro, hateten iha 16 Abríl 2026 katak daudaun ne’e, sira iha hela faze negosiasaun no iha dokumentu prinsipál tolu ne’ebé TL presiza finaliza mak hanesan kontratu fahe produsaun, rejime fiskál, maibé kódigu mineru petróleu finaliza ona,
Tanba ne’e, nia dehan, Austrália mós nota katak Governu rua liuhusi negosiadór sira konsege finaliza ona dokumentu prinsipál ida mak kódigu mineru petróleu (PMC), nune’e iha fulan-Junu sei iha ronda negosiasaun rua (2) mak ida sei halo iha Kambera Austrália no ida sei halo iha Timor-Leste.
Enkuantu prosesu negosiasaun greater sunrise ba ronda daruak nian sei akontese iha fulan-Juñu 2026.
Notísia Relevante:
Jornalista : Alexandra da Costa
Editór : Cancio Ximenes
