BTL Empreza Públika Kovalima instala kontadór bee moos rihun 2-resin
Kovalima,28 Maiu 2026 (TATOLI)- Bee Timor-Leste, Empreza Públlika (BTL.E,P) Munisípiu Kovalima instala ona metro kontadór ba kliente bee moos hamutuk 2.837 iha munisípiu Kovalima.
Koordenadór BTL.E.P, Cipriano Amaral Soares, relata ekipa tékniku BTL,I.P halo ona instalasaun metru kontadór ba kliente sira postu Administrativu Suai, Fohorem, Fatululik, Fatumea no Zumalai.
Husi totál kliente bee moos ne’e instala iha postu Administrativu Suai hamutuk 1.379 husi númeru metru kontadór 559 naun kontadór 820, Fohorem ho númeru kontadór 203, Fatululik ho númeru kontadór 237, Zumalai ho númeru kontadór 659 no postu administrativu Fatumea 359 ne’ebé mak sei la’o hela.
Tuir relatóriu kada loron BTL.E,P Munisípiu Kovalima prodúz bee moos 1.331 metru kúbiku no distribui ba komunidade sira kada loron 1.275 metru kúbiku tanba ne’e kada fulan prodúz bee-moos 39.930 ho totál distribuisaun kada fulan 38.250, metru kúbiku.
Kriasaun BTL.E.P, bazeia ba dekretu lei 41/2020 hodi aplika tarefa fiskalizasaun no abastesimentu bee moos ba komunidade sira.
Baze legál númeru 4/2004 kona-bá fornesimentu bee moos ba konsumu públiku, diploma ministeriál númeru 1/2009 kona-bá tabela tarefa bee moos no mós diploma ministeriál númeru 1/2009 kona-bá fiskalizasaun abastesimentu bee moos.
Entertantu, daudaun ne’e BTL.E.P Kovalima daudaun ne’e iha ona funsionáriu hamutuk na’in 21 kompostu husi feto na’in 3 no mane 18.
Jornalista: Celestina Teles
Editor: Florencio Miranda Ximenes
