DILI, 29 Maiu 2026 (TATOLI)—Ekipa Gamer bele haksoit haksolok bainhira jogadór Natalino Cabral halo rede Kablaki naklees iha minutu hodi muda rezulatdu sai 1-1, iha jogu kontinuasaun Asosiasaun Futsál Timor-Leste (AFTL) époka 2026 ne’ebé realiza iha kampo futsál FALINTIL-Forsa Defeza Timor-Leste (F-FDTL), sesta kalan.
Husi ajogu hahú to’o minutu 30, Kablaki mak sai na’in ba bola hodi hamaus bola husi ain bain seluk, halo jogu ne’e moris hanesan ema bidu hela iha kampu ida-nia laran, halo jogadór Gamer sira lakon esperansa tanba bola susar atu monu bai ha sira-nia ain.
Maske nune’e, jogu la’o husi minutu ba minute, ekipa rua la fó pontu fraku ba malu, Jogadór Kablaki domina bola, Gamer halo reasaun hodi domina kampu maibé Kablaki la fó fatin no tenta hamate tutuir jogu ne’ebé Gamer trasa ona.
Ho jogu manas ne’e mak hatudu loloos ekipa rua (2) soran ida-idak nia forsa, nune’e to’o minute ikus ba primeira parte termina laiha golu ruma mak akontese no hela ho zero-zero.
Tama ba segunda parte, ekipa rua kontinua lansa kontra no atake ba malu, Kablaki nafatin domina bola, nune’e bainhira monu iha minutu 28, jogadór Kablaki Andre Peixote lansa golu hodi muda rezultadu ba 1-0.
Jogadór Kanlaki hetok bidu iha kampu laran, hanoin sira domina bola atu manán jogu ne’e, maibé Gamer responde no neneik maibé hakarak kona duni iha alvu.
Bainhira ema hotu hanoin jogu termina ho rezultadu 1-0, tekir-tekir sorte monu ba ekipa Gamer. Iha minitu 32, jogadór Gamer Natalino Cabral hamate jogadór Kablaki nia kutun hodi muda rezultadu sai 1-1. Ho golu ne’e, Gamer no Kablaki hadau hotu pontu tolu (3), nune’e tenke fahe malu pontu ba malu (1-1).
Jornalista : Hortêncio Sanchez
Editór : Cancio Ximenes
