DILI, 01 Juñu 2026 (TATOLI)—Diretora Nasionál Transporte Terrestre, Maria Antónia Vitór da Costa, informa tuir lei nú 17/2026 kon-ba taxa administrativu foun ba transporte sira sei aplika iha 10 Juñu liuliu ba dokumentu sira-ne’ebé liu ona prazu inspesaun.
“Ha’u hanoin ninia taxa administrativa ne’e ami fó sai tiha ona avizu. Karik motorista hirak ne’ebé ninia dokumentu inspesaun liu prazu ona, nia sei selu dobru,” Diretora Nasionál Transporte Terrestre, Maria Antónia Vitór da Costa, hateten ba jornalista sira iha salaun Multi Usos GMN, ohin.
Nia hateten, bainhira dokumentu ne’ebé sei válidu no to’o nia data inspesaun ne’e sei selu normal, tanba lei promulga tiha ona entaun ema hotu tenke la’o tuir orden husi lei referida.
Taxa administrativa ba tipu matríkula 30 idefinitiva ba automovel pezádu ho reboké sei aplika tarifa $30, ba automovel lojeiru $30, motosiklu $20, veíkulu agrikola $30 no veíkulu motor $30,
Tipu mátrikula 20 provizóriu ba automovel pezádu ho reboké sei aplika tarifa $20, ba automovel lojeirus $20, motosiklus $15, veíkulu agrikola $20 no veíkulu motor $20.
Iha fali tipu alterasaun matríkula ba automovel pezádu ho reboké sei aplika tarifa $30, ba automovel lojeirus $30, motosiklus $20, veíkulu agrikola $30 no veíkulu motor $30.
Tipu serfikadu 14 matríkula veíkulus (DSPLOV) ba automovel pezádu ho reboké sei aplika tarifa $14 ba automovel lojeiru $14, motosiklu $14, veíkulu agrikola $14 no veíkulu motor $14.
Enkuantu iha tipu matríkula espesiál ho letra tolu no alagirisímu haat hamutuk $500, iha fali letra tolu no algarisímu tolu hamutuk $750, maibé ba xapa matríkula espesiál ho letra rua no algarisímu rua hanutuk $1.000.
Aleinde ne’e, iha tipu troka naran no xapa matríkul lakon sei selu $28 ba automovel pezádu ho reboké, ba automovel lojeiru selu $28, motosiklu $28, veíkulu agrikola $28 no veíkulu motor $28.
Iha tipu rejistu faktu referente ba automovel pezádu ho reboké sei selu $10,50, ba automovel lojeiru $10,50, motosiklu $10,50, veíkulu agrikola $10,50 no veíkulu motor $10,50.
Entretantu, rejistu foun ba propriedade sira hanesan automovel pezádu ho reboké sei selu $88, ba automovel lojeirus $53, motosiklus $25, veíkulu agrikola $84 no veíkulu motor $42.
Iha tipu validade anuál sirkulasaun ba automovel pezádu ho reboké sei selu $44, ba automovel lojeirus $26,50, motosiklu $12,50, veíkulu agrikola $42 no veíkulu motor $28.
Tipu substituisaun titúlu rejistu propriedade (duplikat) ba automovel pezádu ho reboké sei selu tarifa $28, ba automovel lojeiru $24,50, motosiklu $17,50, veíkulu agrikola $28 no veíkulu motor $28.
Tipu subtituisaun provozóriu ba automovel pezádu ho reboké sei $44, ba automovel lojeiru $26,50, motosiklu $12,50, veíkulu agrikola $42 no veíkulu motor $14.
Tipu inspesaun matríkula foun ba automovel pezádu ho reboké sei selu $42, ba automovel lojeirus $21, motosiklu $14, veíkulu agrikola $28 no veíkulu motor $28.
Jornalista : Alexandra da Costa
Editór : Cancio Ximenes
