DILI, 03 Juñu 2026 (TATOLI)—Diretór Nasionál Farmasia no Produtu Mediku (DNFPM), Delfim Ferreira, hateten iha fulan-Maiu ne’e Ministériu Saúde liu husi Diresaun Nasional Farmasia no Produtu Mediku (INFPM) haruka item ida Sarope Paracetamol ba Laboratóriu Therapeutic Goods Administration Australia (TGA) hodi halo teste ninia kualidade.
“Ita haruka item ida-ne’ebé mak fulan kotuk espalla iha mídia sosiál kona-ba ai-moruk sarope Paracetamol, entaun amostra ne’e ami foti iha ospitál sira atu haruka ba,” Delfim Fereira dehan ba jornalista sira iha Kaikoli, ohin.
Nia esplika, akordu ida-ne’e Ministériu Saúde ho Laboratoriu Austrália kontinua la’o, nune’e rezultadu sei rona iha tempu badak. Aleinde ne’e, iha fulan-Setembru no Outubru, MS sei haruka item lima ba Austrália hodi teste ninia kualidade.
Jornalista : Felicidade Ximenes
Editór : Cancio Ximenes
