DILI, 16 Juñu 2026 (TATOLI)—Diretór Servisu Apoiu Diagnóstiku no Terapeutiku iha HNVG, Vidal de Jesus Lopes, klarifika bebé ne’ebé mak inan soe iha Dom Bosco Komoro ne’e la mai halo tratamentu iha Hospitál Nasionál Guido Valadares (HNGV).
Relasiona ho informasaun ne’ebé mak públika iha mídia kona-ba bebé ida moris mai deskonfia soe iha Dom Bosco Komoro mak Hospitál Nasionál Guido Valadares klarifika katak bebé ne’e la halo tratamentu iha Hospitál Nasionál Guido Valadares, maibé bebé nian inan mak daudaun ne’e halo hela tratamentu iha departamentu Unidade Maternidade iha Hospoitál Nasionál Guido Valadares.
“Loos dunia, informasaun ne’ebé mak sai iha mídia sosiál katak inan ida-ne’ebé mak soe nia bebé iha área Dom Bosco iha 12 Juñu 2026, entaun husi ne’e ami halo komfirmasaun katak inan ne’e mai duni baixa iha Hospoitál Nasionál Guido Valadares iha departamentu Unidade Maternidade nian maibé ninia oan la mai. Posivelmente, nia oan kondisaun di’ak entaun família asegura de’it iha ne’ebá,” Vidal de Jesus Lopes hateten ba jornalista sira iha nia kna’ar fatin, ohin.
Nia hatutan, bebé nia inan mai halo tratamentu iha HNGV tanba raan menus, entaun daudaun ne’e kontinua halo tratamentu iha unidade Maternidade maibé bebé la halo tratamentu iha ne’e.
“Ita presiza halo tratamentu ba inan ne’e banhira nia kondisaun ne’e rekupera tiha mak nia foin fila. Pasiente ne’e purvolta idade tinan 22, no nia mós partu primeiru. Nia tama iha HNGV, iha l13 Juñu iha tuku 11h00-resin, bebé nia inan ne’e inisial AMG,” nia infroma.
Se ko’alia kona-ba nia kondisaun jerál ne’e di’ak, soké nia sente fraku uitoan tanba raan menus presiza halo tan tratamentu ba nia depois kondisaun jerál di’ak sei alta fila ba uma.
Jornalista : Felicidade Ximenes
Editór : Cancio Ximenes
