DILI, 15 Juñu 2026 (TATOLI)—Komisáriu na’in-tolu hamutuk ho tékniku balun husi Komisaun ba Rekrutamentu Juíz Supremu Tribunál Justisa (STJ), iha Sesta (12/06) ne’e dezkola ona bá Portugal.
“Komisáriu na’in-tolu ho tékniku na’in-rua dezloka bá Portugal iha loron 12 até 19 Juñu atu sorumutu ho Konsellu Superiór Magustratura Judisiál Portugal inklui hasoru juri ne’ebé atu halo ezame ba konkorentes ba futuru Juíz Supremu Tribunál Timor ho Juíz Tribunál Rekursu,” Komisáriu Komisaun ba Rekrutamentu Juíz Supremu Tribunál Justisa (STJ), José Pedro Camões informa ba Ajénsia TATOLI, via telefónika, Segunda ne’e.
Notísia relevante : Komisaun Rekrutamentu ba Juíz STJ husu KSMJ Portugal disponibiliza juri
Nia dehan, delegasaun ne’e to’o iha Portugal iha Domingu (14/06) no simu direta husi Embaixadór Timor-Leste iha Portugal, Manuel Serano no ekipa husi Embaixada Portugal iha Dili.
“Embaixadór akompaña Komisáriu sira husi Lisboa to’o Fátima bodi hasa’e orasaun depois kontinua koordena serbisu vizita traballu komisaun iha dia 15 Juñu ba Konsellu Superiór Majistratura Judisiária Portugal,” nia akresenta.
Jornalista : Natalino Costa
Editora : Julia Chatarina
