DILI, 16 Juñu 2026 (TATOLI)—Béljika no Ejiptu hahú sira-nia jogu Grupu G Kopa Mundiál 2026 ho rezultadu hanesan 1-1, iha jogu ne’ebé hala’o iha Stadion Seattle, Seattle, tersa madrugada ne’e.
Bainhira jogu ne’ebé lidera husi árbitru Ramon Abatti husi nasaun Brazíl hú árbitu dahuluk jogadór sira lansa kedan kontra no atake ba malu tuir tékniku no abilidade ne’ebé iha.
Jogu la’o ho intensiade maka’as liu, Ejiptu mak loke eskor dahuluk iha minutu 20 liuhusi Emam Ashour nia golu. Meiu-ataka Al Ahly nian ne’e aproveita didi’ak situasaun no fura guarda-rede Thibaut Courtois.
Maske sofre ona golu ida maibé armada husu Europa ne’e la lakon esperansa kontinua luta nafatin, maibé to’o minutu 45 termina labele atu prodús golu, basá defeza Ejiptu metin hanesan moru berlin.
Hakat ba segunda parte, Béljika nafatin halo presaun hasoru nasaun husi kontinente Áfrika ne’e, ikus iha minutu 66, ekipa Europa nian konsege hetan vantajen osan-mean, basá Ejiptu muda eskor 1-1 liuhusi auto golu husi defeza Ejiptu nian, Mohamed Hany. Golun ne’e rejistu hanesan auto golu.
Ho rezultadu ne’e, Béljika no Ejiptu fahe pontu 1 ida-idak iha Grupu G. Béljika okupa pozisaun dahuluk, enkuantu Ejiptu iha pozisaun daruak. Enkuantu Nova Zelandia no Iraun sei hala’o jogu iha oras tuku 10h00, sé mak manán nia sei lidera tabela klasifikasaun provijoriu grupu G.
Béljika (4-2-3-1)
(1) Thibaut Courtois, (15) Thomas Meunier, (25) Nathan Ngoy, (4) Brandon Mechele (21) Timothy Castagne, (24) Amadou Onana, (8) Youri Tielemans, (10) Leandro Trossard, (7) K. De Bruyne, (11) Jérémy Doku, (17) Charles De Ketelaere.
Ejiptu (4-2-3-1)
(23) Mostafa Shobeir, (13) Ahmed Fatouh, (14) Hamdi Fathy, (2) Yasser Ibrahim, (3) Mohamed Hany, (19) Mohamed Attia, (17) Mohanad Lasheen, (11) Mahmoud Ziko, (8) Emam Ashour, (10) Mohamed Salah, (22) Omar Marmoush.
Jornalista : Hortêncio Sanchez
Editór : Cancio Ximenes
