Áustria halakon Jordánia 3-1
DILI, 17 Juñu 2026 (TATOLI) – Áustria hetan pontu tolu iha jogu dahuluk Kopa Mundiál 2026, hafoin halakon Jordánia ho golu ho 3-1. Jogu refere hala’o iha Estádiu San Francisco Bay Area iha Estadu Unidu, Kuarta (17 Juñu 2026) meiudia.
Bainhira jogu hahú, jogadór Áustria sira suli nadodon iha kampu laran hodi atake ho velosidade, jogadór Romano Schmid lansa suta ida-ne’ebé maka’as husi liur área penalidade nian ba iha kantu leten loos husi baliza jordanu nian. Guarda-rede jordanu Yazeed Abulaila haree bola ne’ebé tama ba rede rezultadu muda ba 1-0.
Jogadór Jordánia sira koko atu sai agresivu liu iha atake, oportunidade osan-mean oioin mosu iha minutu 34 maibé suta sira jogadór Ali Olwan no Mousa Altamari nian hetan impedimentu husi defeza Austría nian.
Jordánia nia golu dahuluk mosu iha minutu 50 hosi segunda parte. Ali Olwan marka golu ho abilidade drible ne’ebé halo defeza austría nian molok satan maibé la biban, bola tama rede laran hodi rezultadu 1-1.
Hafoin eskor 1-1, Jordánia mak kaer kontrolu ba jogu. Oportunidade perigozu oioin mak kria, maibé guarda-rede austría nian konsege blokeia sira.
Áustria hetan oportunidade klaru iha baliza Jordániana nia oin iha minutu 63. Maibé, suta husi jogadór Carney Chukwuemeka nian hetan blokeiu hosi defeza jordanu ida.
Áustria aumenta nia golu iha minutu 70 liuhusi Marko Arnautovic. Maibé, golu ne’e la permite husi VAR tanba Stefan Posch nia ain kona bola.
Maske nune’e, jogu kontinua la’o, Áustria nia golu úniku mosu iha minutu 76. Jogadór jordanés Yazan Alarab la konsege hamoos suta kantu ida, ne’ebé tama ba nia rede rasik. Rezultadu nakfilak ba 2-1 liuhusi auto-golu.
Bainhira jogu besik atu ramata, Áustria hetan penalidade ida hafoin defeza Jordánia ida kaer bola. Marko Arnautovic konverte penalti, hodi asegura vitória Áustria nian hasoru Jordánia ho 3-1.
Rezultadu ida-ne’e halo Arjentina mantén iha grupu J nia oin, grasa ba sira nia vitória 3-0 hasoru Arjélia. Áustria tuir iha segundu lugar ho pontu tolu hanesan.
Austria (4-2-3-1)
(1) Alexander Schlager, (5) Stefan Posch, (15) Philipp Lienhart, (8) David Alaba, (16) Patrick Mwene, (20) Konrad Laimer, (6) Nicolas Seiwald, (18) Romano Schmid, (4.) Xaver Schlager, (9) Marcel Sabitzer, (14) Sasa Kalajdzic.
Jordánia (3-4-3)
(1) Yazeed Abulaila (5) Yazan Al-Arab, (16) Mohammad Abu Alnadi, (3) Abdallah Mousa Mousa, (20) Mohannad Abu Taha, (21) Noor Al-Rashdan, (8) Noor Al-Rawabdeh, (23) Ihsan Haddad, (11) Omar Al-Fakhouri, (9) Ali Olwan, (10) Mousa Altamari.
Jornalista : Hortêncio Sanchez
Editór : Cancio Ximenes
